स्पोनिस लिग विजेता बार्सिलोनाले खेलाडी र कामदारको तलबमा कटौती गर्ने भएको छ। कोरोना भाइसरको संक्रमण विश्वव्यापी भएपछि क्लबलाई आर्थिक संकट आइपरेको बताउँदै क्लबले यस्तो निर्णय गरेको हो।
बार्सिलोनाका बोर्ड अफ डाइरेक्टरले क्लबमा आर्थिक सन्तुलनका लागि सावधानी अपनाउन यस्तो गरिएको बताएका छन्। खेलाडी र कामदारको सम्झौताअनुसार अनुपातिक रुपमा तलब कटौती गरिने क्लबले बताएको छ। खेलाडीको तलब ७० प्रतिशतसम्म कटौती हुन सक्ने बताइएको छ।
यता, क्लबले अत्यावश्यक बाहेकका सामान्य कामदारलाई कोरोना भाइरसको जोखिम नहटेसम्मको लागि कामबाट हटाएको छ। क्लबले जारी संकट हटेर छिटै खेलमा फर्कन चाहेको पनि बताएको छ।
एजेन्सी