सुरक्षा कवच बनाउँदै महावीर पुनको आविष्कार केन्द्र (तस्बिरहरु)

काठमाडौं- अहिले कोरोना संक्रमणको आशंकामा अस्पताल जाने क्रम बढेको छ । तर आवश्यक सुरक्षा कवच (पीपीई) को अभावमा चिकित्सकहरु भने अन्यकारणले ज्वरो आएका बिरामी पनि हेर्न नसक्ने अवस्थामा छन्।

पीपीईको अभावका बीच क्वारेन्टाइनमा राखिएका व्यक्तिहरु नजिक जान पनि स्वास्थ्यकर्मीलाई गाह्रो भएको छ।

सरकारले माग भएजति पीपीई उपलब्ध गराउन नसकेपछि निजी स्तरमै पीपीई उत्पादनको प्रयास भइरहेको छ।

अहिले महावीर पुनको राष्ट्रिय आविष्कार केन्द्रले काठमाडौंको बासबारीमा त्रिवि शिक्षण अस्पताल र वीपी कोइराला स्वास्थ्य विज्ञान प्रतिष्ठान धरानका लागि पीपीई बनाउन सुरु गरेको छ।

तर पीपीई बनाउन कामदारको अभाव भएको केन्द्रको भनाई छ।