काठमाडौंमा 'डिसइन्फेक्टेन्ट' छर्किंदै महानगर

काठमाडौं– काठमाडौं महानगरपालिकाले कोरोना भाइरस संक्रमण नियन्त्रणका लागि सार्वजनिक स्थलमा डिसइन्फेक्टेन्ट (संक्रमण नियन्त्रक औषधि) छर्किरहेको छ।

बुधबारबाट सुरू गरेको औषधि छर्किने कार्यलाई केही समयसम्म निरन्तरता दिइने महानगरपालिकाका प्रवक्ता ईश्वरमान डंगोलले जानकारी दिए।

अहिले मखनटोल, बसन्तपुर, लगनटोल, बानेश्वर, सिनामंगल, महाराजगञ्जलगायतका क्षेत्रमा औषधि छर्किने काम भइरहेको छ।

आज चार हजार लिटर क्षमताका तीन वटा जेट मेसिन र सातवटा साना ट्याङकरले औषधि छर्किरहेको महानगरपालिकाले जनाएको छ। आजै रत्नपार्क, टेकु, कालीमाटी फलफूल बजारलगायतका स्थानमा पनि औषधि छर्किइने छ।