काठमाडौं- कोरोना भाइरसको संक्रमणबाट मृत्यु हुनेको संख्या स्पेनमा समेत लगातार बढिरहेको छ। युरोपेली मुलुक इटलीसँगै स्पेनको मृत्युदर उच्च रुपमा वृद्धि भएको हो।
एजेन्सीहरुका अनुसार स्पेनमा पछिल्लो २४ घण्टामा ७ सय ३८ जनाको मृत्यु भएको छ।
योसँगै त्यहाँ मृत्यु हुनेको संख्या ३ हजार ४३४ पुगेको छ। मंगलबार त्यहाँ मृत्यु हुनेको संख्या २ हजार ६ सय ९६ थियो।
स्पेनमा संक्रमितको संख्या ४७ हजार ६१० पुगेको छ। मंगलबार संक्रमितको संख्या ३९ हजार ६७३ थियो।
कोरोना भाइरसको संक्रमणबाट सबैभन्दा बढी इटलीमा ६ हजार ८ सय २० जनाको मृत्यु भएको छ। त्यहाँ ६९ हजार १७६ जना संक्रमित भएका छन्।
चीनमा कोरोना भाइरसबाट मृत्यु हुनेको संख्या ३ हजार २८१ छ।
अमेरिकामा पनि संक्रमितको संख्या तिब्र रुपमा बढिरहेको छ। त्यहाँ संक्रमितको संख्या ५४ हजार ९४१ पुगेको छ।