कतार एयरवेजको उडान क्यूआर ६५२ बाट नेपाल आएकालाई सम्पर्कमा आउन अनुरोध

काठमाडौं-  फ्रान्सबाट कतार हुँदै नेपाल आएकी एक किशोरीमा कोरोनाको संक्रमण पुष्टि भएपछि स्वास्थ्यमन्त्रायले उनी आएको बिमानमा रहेका अन्य यात्रुलाई सम्पर्कमा आउन आग्रह गरेको छ।

मन्त्रालयले कतार एयरवेजको उडान क्यूआर ६५२ (QR 652) बाट चैत ४ गते नेपाल आएका यात्रुलाई हटलाईन नम्बर ९८५१२५५८३९, ९८५१२५५८३४ र ९८५१२५५८३७ मा सम्पर्क गरेर जानकारी गराउन भनेको हो ।

फ्रान्सबाट कतार हुँदै ४ चैतमा काठमाडौं ओर्लिएकी एक किशोरीमा कोरोनाभाइरसको संक्रमण देखिएपछि सरकारले सो विमानमा रहेका अन्य यात्रुलाई पनि संक्रमणको जोेखिम हुनसक्ने भएकोले सम्पर्क आउन भनिएको स्वास्थ्यमन्त्रालयका प्रवक्ता विकास देवकोटाले जानकारी दिए।

उनले भने, “हामीले सम्पर्कमा आउन अनुरोध गरेपछि हटलाईन मार्फत यात्रुहरु सम्पर्कमा आउनथालेका छन्, बाँकी यात्रुहरुको पनि खोजी गरी आवश्यक परामर्श र सतकर्ताको कार्य अघि बढाइएको छ।”

जोखिमपूर्ण अन्य क्षेत्रबाट आएका व्यक्तिले पनि उक्त हटलाइनमा सम्पर्क गर्न सक्ने देवकोटाले बताए ।