मंगलबार, जेठ १३, २०७७

समाचार

कुमारी ट्रस्टले दियो कर्णालीलाई भेन्टिलेटरसहित एक करोडको स्वास्थ्य सामग्री

1590140492corona_death.png
कुमारी ट्रष्टका अध्यक्ष एवम् कांग्रेस नेता राजीव विक्रम शाह अस्पताललाई स्वास्थ्य सामाग्री हस्तान्तरण गर्दै । तस्बिर: देव राना

सुर्खेत-  कुमारी ट्रस्टले कर्णाली प्रदेशमा एक करोड बराबरको स्वास्थ्य सामग्री दिएको छ ।

ट्रस्टले प्रदेश अस्पताल सुर्खेतलाई एउटा भेन्टिलेटरसहित  ७० लाख रुपैयाँ बराबरको स्वास्थ्य सामग्री सहयोग गरेको छ भने बाँकी ८ वटा जिल्ला अस्पतालमा ३० लाख बराबरको उपकरण सहयोग गरेको हो।

ट्रस्टका अध्यक्ष तथा कांग्रेस नेता राजीवविक्रम शाहले शुक्रबार प्रदेश अस्पताललाई एउटा भेन्टिलेटरसहित पाँचवटा आइसीयू बेड, इसीजी मेसिन, प्यासेन्ट मनिटर लगायत अत्यावश्यक सामग्री दिएका छन्।

त्यस्तै कालिकोट, दैलेख, हुम्ला, मुगु, डोल्पा, रुकुम पश्चिम र सल्यानका जिल्ला अस्पतालका लागि ३० लाख बराबरको प्यासेन्ट मनिटर, अक्सिजन कन्सन्ट्रेटर लगायतका सामग्रीसमेत हस्तानन्तरण गरेका हुन्।

कोरोना भाइरस प्रतिकार्यमा सहयोगका लागि स्वास्थ्य सामग्री हस्तान्तरण गरेको ट्रस्टका अध्यक्ष शाहले जानकारी दिए।

प्रतिक्रिया दिनुहोस्