धनगढी– कैलालीमा विस्फोटबाट एक जनाको ज्यान गएको छ।
गोदावरी नगरपालिका–४, फुलबस्तीमा पित्तलजस्तो देखिने वस्तु विस्फोट हुँदा ४० वर्षीय नरबहादुर बिकको ज्यान गएको प्रहरीले जनाएको छ।
जिल्ला प्रहरी कार्यालयका प्रवक्ता एवं प्रहरी नायब उपरीक्षक दक्षकुमार बस्नेतले जंगलमा भेटिएको वस्तु आगोमा तताउँदा पड्किएर बिकको ज्यान गएको बताए। यसबारे थप बुझ्न ईलाका प्रहरी कार्यालय मालाखेतीबाट प्रहरी नायब उपरीक्षक ज्ञानबहादुर विष्ट नेतृत्वमा टोली घटना गएको बस्नेतले जानकारी दिए।