घरमै बसेर कोरोनाविरुद्ध सरकारलाई सहयोग गर्न पारसको अपिल

काठमाडौं– नेपाली क्रिकेटका पूर्वकप्तान पारस खड्काले घरमै बसेर कोरोना भाइरससँग लड्न अपिल गरेका छन्।

उनले सामाजिक सञ्जालमा भिडियो सन्देश जारी गर्दै घरमै बसेर संक्रमणविरुद्ध लडेर सरकारलाई सहयाेग गर्न सर्वसाधारणलाई अपिल गरेका हुन्।

“हामी सबैका लागि यो सजिलो समय छैन। तर, म र क्रिकेटको टिमका तर्फबाट आग्रह गर्न चाहान्छु की सबै घरमै बसेर सरकारलाई सहयोग गरौं। अत्यावश्यक कामबाहेक बाहिर नगइकन सहयोग गरिदिन अनुरोध गर्छु। हामीले आफ्नो जिम्मेवारी आफैं लिनु पर्छ र यो महत्त्वपूर्ण काम पनि हो,”

पारसले भिडियो सन्देशमा भनेका छन्, “आ–आफ्नो ठाउँबाट सबैले जिम्मेवारी लिने हो भने संक्रमणको अवस्थाबाट बाहिर निस्कन सजिलो हुने छ।”

Let us all take the responsibility,take all necessary precautions,share useful INFORMATION ONLY and help our government to over come this situation#covid_19 pic.twitter.com/xQSH86zpEO

— Paras Khadka (@paras77) March 22, 2020