आइतबार, जेठ १८, २०७७

समाचार

सुनकोसीमा जिप खस्दा दुई बेपत्ता

काठमाडौं- काभ्रेको भुम्लु गाउँपालिका-८ सिलामे भीरबाट  बुधबार अपराह्न सुनकोसी नदीमा जिप खस्दा दुई जना बेपत्ता भएका छन्।

प्रहरीका अनुसार बा१६च ८८३८ नम्बरको बोलेरो जिप नदीमा खस्दा भुम्लु गाउँपालिका १ का अशोक गिरी र भोला महत बेपत्ता भएका हुन्। जिप दोलालघाटबाट सापिङ जाँदै थियो। 

काभ्रेका एसपी रविकुमार पौडेलका अनुसार बेपत्ता भएकाहरुको खोजीका लागि प्रहरी टोली खटिएको छ। बलेरोमा रहेकी सानुमाया गिरी घाइते भएकी छन्। उनलाई उपचारका लागि बनेपा शसर मेमोरियल अस्पताल लगिएको छ। बोलेरोमा ६ जना थिए।

प्रतिक्रिया दिनुहोस्