सोमबार, साउन २६, २०७७

समाज

बिरामी भन्दै यात्रु ओसार्ने एम्बुलेन्स प्रहरी नियन्त्रणमा

1589882101ambulance.png

डोटी- लकडाउनको समयमा बिरामी भन्दै यात्रु ओसार्ने एम्बुलेन्सलाई डोटी प्रहरीले नियन्त्रणमा लिएको छ।

कैलालीबाट यात्रु बोकेर दिपायल जाँदै गरेको सायल गाउँपालिकाको से१झ ३३४ नम्बरको एम्बुलेन्सलाई इलाका प्रहरी कार्यालय बुडरले चालकसहित नियन्त्रणमा लिएको हो।

इलाका प्रहरी कार्यालयका प्रमुख कर्णबहादुर रौलेले एम्बुलेन्समा चालकसहित पाँच जना सवारी र केही सामान बोकेको पाइएपछि नियन्त्रणमा लिएको बताए।

एम्बुलेन्स चालकलाई बुडरमै राखिएको र जिल्ला प्रहरी कार्यालयको आदेश अनुसार कारवाही अघि बढाईने रौलेले जानकारी दिए।

प्रतिक्रिया दिनुहोस्