काठमाडौं। कोरोना भाइरसको त्रासका कारण सेयर कारोबार गर्न कठिन भएकोले बजार बन्द गर्नुपर्ने माग लगानीकर्ताले गरेका छन्। बजार बन्द गर्न माग गर्दै लगानीकर्ता नेपाल धितोपत्र बोर्डमा पुगेका हुन्।
बोर्डका अध्यक्ष भीष्मराज ढुंगानाले बजार बन्द गर्ने संकेत दिएको एक लगानीकर्ताले बताए।
धितोपत्र ऐन २०६३ ले बजार सञ्चालक नेपाल स्टक एक्सचेन्ज (नेप्से) लाई पाँच कारोबार दिनसम्म बन्द गर्ने अधिकार दिएको छ। सो अधिकार प्रयोगको लागि नेप्सेले बोर्डसँग अनुरोध गरिसकेको छ।
नेप्से र लगानीकर्ताले पुँजी बजार बन्द गर्न आग्रह गरेकोले सकारात्मक निर्णय लिने ढुंगानाले बताएका छन्।
सरकारले कोरोना फैलन सक्ने भन्दै सार्वजनिक स्थल बन्द गर्ने निर्णय गर्नुका साथै २५ जनाभन्दा बढी भेला हुन रोक लगाएको छ।