सोमबार, जेठ १२, २०७७

समाचार

पर्साको निषेधाज्ञा हट्यो, लकडाउन कडा पारिने

1589802525parsa.jpg

पर्सा- पर्सामा जारी निषेधाज्ञा आज (सोमबार) देखि हटाइएको छ।

आज जिल्ला प्रशासन कार्यालयमा बसेको सर्वदलीय बैठकले निषेधाज्ञा हटाउँदै व्यवस्थित रुपमा लकडाउनको पालना गराउने निर्णय गरेको सहायक प्रमुख जिल्ला अधिकारी ललित बस्नेतले जानकारी दिए।

बैठकले समाजिक दूरी कायम गरेर कृषि तथा खेतीपाती गर्न निर्वाध रुपमा दिने निर्णय गरेको छ। यसैगरी सरकारले अनुमति दिएका उद्योग कलकारखान सञ्चालनका लागि समेत समन्वय गर्ने निर्णय सर्वदलीय बैठकले गरेको छ।

वैशाख ३० गते एकैदिन ५७ जनामा कोरोना संक्रमण देखिएपछि जिल्ला प्रशासन कार्यालयले सेना परिचालन गर्नुको साथै निषेधाज्ञा जारी गरेको थियो।

दुईजना सञ्चारकर्मीमा कोरोना संक्रमित देखिएपछि निषेधाज्ञासँगै सञ्चारकर्मीहरुलाई लगाइएको सवारी साधन सञ्चालन रोक्ने निर्णय पनि फिर्ता लिइएको छ।

प्रतिक्रिया दिनुहोस्