सोमबार, जेठ १२, २०७७

अर्थ

निजी क्षेत्रको माग सम्बोधन नभए उद्योग बन्द गर्छौं : राणा

1573736351bhawani3.jpg

काठमाडौं- नेपाल उद्योग वाणिज्य महासंघ (एफएनसीसीआई) की अध्यक्ष भवानी राणाले सरकारले निजी क्षेत्रको माग सम्बोधन नगरे सम्पूर्ण उद्योगधन्दा बन्द गर्ने चेतावनी दिएकी छन्।

लकडाउनका कारण नेपालका सबै उद्योगव्यवसाय ठप्प हँुदा निजी क्षेत्र नराम्ररी प्रभावित भएको बताउँदै उनले बजेटबाट निजी क्षेत्रको माग सम्बोधन नभए सवै उद्योगधन्दा बन्द गर्ने चेतावनी दिएकी हुन्।

एफएनसीसीआईले सोमबार गरेको भर्चुअल पत्रकार सम्मेलनमा उनले अन्य देशले अर्थतन्त्र बचाउन खर्बौंको आर्थिक प्याकेज घोषणा गरिसके पनि नेपालमा भने राहत प्याकेज घोषणा नभएको भन्दै आक्रोश पोखिन्।

अध्यक्ष राणाले अर्थतन्त्रलाई थप क्षति हुन नदिन निजी क्षेत्रले सरकारलाई विभिन्न सुझाव दिइरहेको तर सरकारले सुनुवाइ नगरेको बताइन्।

उनले यस बेला सरकारले उद्योगीलाई कोमामा जानबाट रोक्न भए पनि बजेटमा निजी क्षेत्रको माग अनिवार्य रुपमा राख्न आवश्यक भएको पनि दाबी गरिन्।

राणाले सरकारले आगामी बजेटमा ३ वर्षसम्मका लागि बैंकको ब्याज ५ प्रतिशत कायम गनुपर्ने, घाटामा गएको उद्योगका लागि ५ वर्ष वाच लिस्टमा राख्नुपर्ने, बैंकले लिने सेवा र नवीकरण शुल्क खारेज गर्नुपर्ने, बिजुलीमा लाग्ने हर्जाना हटाउनुपर्ने माग गरिन्। उनले साथै लडकाउनमा भएको विद्युत्को डिमान्ड शुल्क खारेज गर्न र २ वर्षसम्म विद्युतमा ४ प्रतिशत छुट हुनुपर्ने माग गरिन्।

भ्याटलाई १३ बाट १० प्रतिशतमा झार्नुपर्ने, व्यक्तिगत आयकरमा २० प्रतिशतसम्म छुट हुनुपर्ने, कर्पोरेट आयकर १० प्रतिशतसम्म घटाउनुपर्ने माग उनको छ।

उनले भनिन् ‘एक खर्ब रुपैयाँको पुनर्कर्जा कोष खडा गरी घाटामा जाने उद्योग, व्यापार तथा व्यवसायका लागि तीन वर्ष अवधिसम्म ३ प्रतिशत पुनर्कर्जा कोषले व्यहोर्ने र २ प्रतिशत सम्बन्धित बैंकले स्प्रेडबाट मिलान गर्ने गरी कर्जा उपलब्ध गराइयोस्।' 

उनले श्रमिकको तलब तथा ब्याजका लागि ५ प्रतिशत रिफाइनान्सिङको व्यवस्था गरेर २ वर्षमा किस्ताबन्दीमा भुक्तानी गर्ने गरी व्यवस्था मिलाउनुपर्ने माग अध्यक्ष राणाको छ।

 

प्रतिक्रिया दिनुहोस्