अमेरिकाको ५० वटै राज्यमा कोरोना फैलियो, ११५ को मृत्यु

काठमाडौं- विश्वव्यापी महामारीको रुपमा फैलिएको कोरोना भाइरस अमेरिकाको ५० वटै राज्यमा फैलिएको छ ।

मंगलबार भर्जिनिया राज्यले पनि कोरोनाको संक्रमण पुष्टि गरेपछि अमेरिकाका सबै राज्यमा कोरोना भाइरसबाट प्रभावित भएका हुन् ।

राज्यका गभर्नर जिम जस्टिसले मंगलबार राज्यमा कोरोना भाइरसको संक्रमणको पुष्टि गरेको बीबीसीले उल्लेख गरेको छ ।

एक महिनाअघि मात्रै अमेरिकामा कोरोना फैलिएको थियो । एक महिनाको बीचमा सबै राज्यमा कोरोना फैलिएको छ भने अहिलेसम्म अमेरिकामा कोरोनाबाट ६ हजार ४९९ संक्रमित भएका छन् । हालसम्म कोरोनबाट अमेरिकामा ११५ जनाको मृत्यु भएको छ ।

विश्वभर कोरोनाबाट १ लाख ९८ हजार ७१६ जना संक्रमित भएका छन् भने ७ हजार ९८९ जनाको मृत्यु भएको छ ।