काठमाडौं– गत डिसेम्बरमा चीनको हुबेई प्रान्तको बुहान सहरमा देखिएको कोरोना भाइरस (कोभिड–१९) संक्रमण दक्षिण एसियाली क्षेत्रीय सहयोग संगठन (सार्क)मा पनि फैलिन थालेको छ।
वर्ल्डओमिटरडटकमका अनुसार सार्कका आठ वटै देशमा मंगलबार बिहानसम्म ३८५ जनामा कोरोना संक्रमण पुष्टि भएको छ। तीमध्ये २१ बिरामी उपचारपछि सन्चो भएर घर फर्किएका छन्।
सार्कमा सबैभन्दा बढी पाकिस्तानमा संक्रमित छन्। त्यहाँ १८५ जनामा संक्रमण पुष्टि भएकोमा २ जना उपचारपछि सन्चो भएर घर फर्किएका छन्। यस्तै, पाकिस्तानमा कोरोनाबाट एक जनाको ज्यान गएको छ।
पाकिस्तानपछि भारतमा संक्रमित बढी छन्। त्यहाँ १२९ जनालाई संक्रमण पुष्टि भएकोमा १३ जना ‘रिकभर्ड’ भएका छन्।
कुन देशमा कति ?
देश संक्रमण पुष्टि मृत्यु रिकभर्ड
पाकिस्तान १८४ १ २
भारत १२९ २ १३
श्रीलंका २८ - १
अफगानिस्तान २१ - १
माल्दिभ्स १३ - -
बंगलादेश ८ - ३
भुटान १ - -
नेपाल १ - १
स्रोत : वर्ल्डओमिटरडटकम