राष्ट्रपति भण्डारी अस्वस्थ

काठमाडौं– राष्ट्रपति विद्यादेवी भण्डारी अस्वस्थ भएकी छन्। राष्ट्रपति कार्यालय स्रोतका अनुसार राष्ट्रपतिको स्वास्थ्यमा समस्या आएपछि तीन दिनदेखि उनले कसैसँग भेटघाट गरेकी छैनन्।

“तीन–चार दिनदेखि उहाँको घाँटी र नाकमा समस्या देखिएको छ। त्यही भएर कसैसँग भेटघाट गर्नु भएको छैन,” राष्ट्रपति कार्यालयका एक अधिकारीले भने, “आन्तरिकरूपमा उहाँको उपचार भइरहेको छ।”

राष्ट्रपति भण्डारी बिरामी भएपछि प्रदेश प्रमुखहरूले पनि उनलाई भेट्न पाएका छैनन्। यद्यपि, स्वास्थ्य समस्या सामान्य भएको र चाँडै निको हुने बताइएको छ।