कोरोनाले इटाली आक्रान्त, एकै दिनमा ३६८ को मृत्यु

चीनबाट सुरु भएर विश्वभर फैलिरहेको कोरोना भाइरस (कोभिड–१९)का कारण अहिले इटाली आक्रान्त बनेको छ। कोरोना संक्रमण भएका ३६८ इटालियनको आइतबार एकैदिनमा मृत्यु भएको छ।

योसँगै त्यहाँ मृतकको संख्या १८०९ पुगेको बीबीसीले जनाएको छ। शुक्रबार पनि इटालीमा एकैदिन २५० जनाको मृत्यु भएको थियो।

अर्को युरोपेली मुलुक स्पेनमा एकै दिन ९७ जना र फ्रान्समा २९ जनाको मृत्यु भएको छ। अहिलेसम्ममा स्पेनमा २८८ र फ्रान्समा १२० जनाको मृत्यु भएको छ।