काठमाडौं– दोेस्रो पटक मिर्गौला प्रत्यारोपण गरेका प्रधानमन्त्री केपी शर्मा ओेली १० औं दिन अस्पतालबाट उनको सरकारी निवास बालुवाटार फर्किएका छन्।
उनको २१ फागुनमा त्रिवि शिक्षण अस्पताल महाराजगञ्जमा मिर्गौला प्रत्यारोपण गरिएको थियो।
प्रत्यारोपणपछि अस्पतालमै बसेर स्वास्थ्य लाभ गरिरहेका प्रधानमन्त्री शुक्रबार बेलुका बालुवाटारस्थित सरकारी निवास फर्किएका हुन्।
प्रधानमन्त्री डिस्चार्ज हुनुअघि उपप्रधानमन्त्री ईश्वर पोखरेल, परराष्ट्रमन्त्री प्रदीप ज्ञवाली, स्वास्थ्य तथा जनसंख्यामन्त्री भानुभक्त ढकाललगायत नेताहरु अस्पताल पुगेका थिए।
प्रधानमन्त्रीलाई मिर्गौला दिने समीक्षा संग्रौला बुधबार नैै डिस्चार्ज भइसकेकी छन्।
चिकित्सकहरुले प्रधानमन्त्री ओलीलाई आराम गर्न र रुघाखोकी तथा संक्रमण भएका व्यक्तिबाट टाढा रहन सल्लाह दिएका छन्।