काठमाडौं– अष्ट्रेलियामा १२६ जनामा कोरोना भाइरस (कोभिड–१९) संक्रमण देखिएको छ । अष्ट्रेलियाली स्वास्थ्य मन्त्रालयका अनुसार बिहीबार बिहानसम्ममा कोरोना संक्रमणको कारण ३ जनाको ज्यान गएको छ ।
अष्ट्रेलियाको न्यू साउथ वेल्समा सबैभन्दा धेरै ६४ जना संक्रमित फेला परेका छन् । त्यस्तै भिक्टोरियामा १८ जनामा, कुइन्सल्याण्डमा १७ जनामा कोरोना संक्रमण देखिएको छ ।
दक्षिण अष्ट्रेलियामा ८ जना, पश्चिम अष्ट्रेलियामा ७ जना र तास्मानियामा २ जना संक्रमित भएको स्वास्थ्य मन्त्रालयले जनाएको छ । डायमण्ड प्रिन्सेस पानीजहाज चढेका १० जनामा संक्रमण फेला परेको छ ।