संघीय संसदको प्रतिनिधिसभामा कालापानीबाट विदेशी सेना हटाउन संकल्प प्रस्ताव पेश हुने भएको छ। आज (बिहीबार) बिहान ११ बजे बस्ने प्रतिनिधिसभाको बैठकमा सत्तारुढ दल नेकपाका सांसद खगराज अधिकारीले उक्त प्रस्ताव पेश गर्न लागेका हुन्। प्रस्तावको समर्थकमा नेकपाकै सांसद रामकुमारी झाँक्री रहेकी छन्।
‘भारत सरकारले नेपालको दार्चुला जिल्लाको कुटियाङदी र लिम्पियाधुरा क्षेत्र समावेश गरी भारतको नक्सा प्रकाशित गरिसकेपछि सर्वदलीय बैठकबाट नेपालको भूभाग कसैबाट कुनै प्रकारले हडप्ने काम नहोस् भन्ने अडान कायम गरी नेपाल सरकारलाई निर्देशन गरेकोले कूटनीतिक र अन्य पहलकदमी गरी नेपालको भूभाग कायम गर्न र कालापानी क्षेत्रमा रहेका विदेशी सेना हटाउन आवश्यक भएकोले’ सांसद अधिकारीले उक्त विषयको संकल्प प्रस्ताव पेश गर्न लागेको संसद संचिवालयले प्रकाशित गरेको आजको बैठकको कार्यसूचीमा उल्लेख छ।