काठमाडौं - एक महिलाले सुतिरहेका श्रीमानमाथि एसिड प्रहार गरि घाइते बनाएकी छिन्। काठमाडौंको तारकेश्वर नगरपालिका-४ पुरानो गुहेश्वरीमा २४ वर्षीय रामराजा थापाकी श्रीमती प्रतिमा थापाले एसिड प्रहार गरेकी महानगरीय प्रहरी वृत्त बालाजुले जानकारी दिएको छ।
श्रीमान-श्रीमतीबीच घरायसी विवाद हुँदा एसिड प्रहार भएको हुनसक्ने प्रहरी अनुमान छ। सोमबार राति घरमा सुतिरहेका बेला प्रतिमाले श्रीमानमाथि एसिड प्रहार गरेकी वृत्तका डीएसपी रञ्जितसिंह राठौरले जानकारी दिए। घाइते थापाले पनि श्रीमतीले नै आफूमाथि एसिड आक्रमण गरेको वयान दिएका छन्। उनको अहिले त्रिवि शिक्षण अस्पताल महाराजगञ्जमा उपचार भइरहेको छ।
प्रतिमालाई प्रहरीले नियन्त्रणमा लिई थप अनुसन्धान अगाडि बढाएको छ।