चितवन– जिल्लामा ट्रकको ठक्करबाट पैदलयात्रीको ज्यान गएको छ।
नारायणगढको पुलचोक बजारबाट लायन्सचोकतर्फ आउँदै गरेको बा१ख ९८५९ नम्बरको मिनीट्रकले आइतबार राति ठक्कर दिँदा पैदलयात्री नवलपुर, कावासोती नगरपालिका–१७ का अन्दाजी ५० वर्षीय ठाकुर पौडेलको ज्यान गएको हो।
दुर्घटनामा घाइते पौडेलको अस्पतालमा उपचारका क्रममा ज्यान गएको जिल्ला प्रहरी कार्यालय, चितवनले जनाएको छ।
ठक्कर दिने ट्रक र चालक प्रहरी नियन्त्रणमा छन्।