बुधबार, मंसिर १०, २०७७

समाचार
1589099186Purush_Death.jpg

कास्की– कास्कीको पोखरास्थित फेवातालमा आइतबार बिहान एक पुरुषको शव फेला परेको छ।

पोखरा–१८, सराङकोटका ४० वर्षीय राजु बास्तोला मृत भेटिएको वडा प्रहरी कार्यालय, बैदामका प्रहरी नायब उपरीक्षक (डीएसपी) यादव ढकालले जानकारी दिए।

शव परीक्षणका लागि पश्चिमाञ्चल क्षेत्रीय अस्पताल लगिएको प्रहरीले जनाएको छ।  

स्थानीयले हल्लन चोकको सामुदायिक प्रहरी केन्द्र नजिकै ताल किनारमा शव तैरिरहेको देखेपछि प्रहरीलाई खबर गरेका थिए। खबर पाएपछि प्रहरी घटनास्थल पुगेको थियो।

यसअघि गत शुक्रबार पनि तालमा एक युवकको शव फेला परेको थियो। मृतकको हालसम्म पहिचान खुल्न नसकेको कास्की प्रहरीले बताएको छ।

प्रतिक्रिया दिनुहोस्