साविक विजेता बार्सिलोना रियल सोसिडाडलाई हराउँदै लालिगाको शीर्षस्थानमा उक्लिएको छ। शनिबार राति सम्पन्न खेलमा एक गोलको अग्रतामा बार्सिलोना विजयी भएको हो।
बार्सिलोनाको घरेलु मैदान क्याम्प नाउमा भएको खेलमा पाहुना टोलीले एक गोलको हार बेहोर्यो। खेल सकिनुभन्दा ९ मिनेटअघि लियोनेल मेस्सीले पेनाल्टीमा पाएको अवसर सदुपयोग गर्दै गोल गरेका थिए।
पाहुना टोलीका रोबिन डे नर्मान्डले गोल गरेपछि घरेलु टोलीले पेनाल्टीको अवसर पाएको थियो। पेनाल्टीमार्फत जित निकाल्दै बार्सिलोनाले एक खेल कम खेलेको रियल मडि«डलाई २ अंकले पछि पारेको छ।
अंक तालिकामा बार्सिलोनाको ५८ अंक हुँदा रियाम मड्रिडको ५६ अंक छ।
६ दिनअघि निकटतम प्रतिद्वन्द्वी रियल मडि«डसँग बर्नाबेउमा हार बेहोरेपछि क्याटलान क्लबले शीर्षस्थान गुमाउनु परेको थियो। एक खेल धेरै खेल्दै शनिबार रातिको खेलबाट बर्सिलोना लिगको शीर्षस्थानमा आएको हो।