नेपालका लागि नवनियुक्त भारतीय राजदूत विनयमोहन क्वात्राले राष्ट्रपति विद्यादेवी भण्डारीसमक्ष ओहोदाको प्रमाणपत्र बुझाएका छन्।
राष्ट्रपति निवासमा बिहीबार दिउँसो एक औपचारिक समारोहका बीच उनले प्रमाणपत्र बुझाएका हुन्। क्वात्रा नेपालका लागि २५औं भारतीय राजदूत हुन्। यसअघि नेपालका लागि भारतीय राजदूत मन्जिवसिंह पुरी थिए।
राष्ट्रपतिलाई ओहोदाको प्रमाणपत्र पेश गर्न लैनचौरस्थित भारतीय दूतावासबाट उनी बग्गीमा चढेर शीतलनिवास पुगेका थिए ।