पोखरा पुगेर माधव नेपाललाई ओलीको चेतावनी - मुकाबिला गर्ने सपना नदेखे हुन्छ

काठमाडौं- नेकपा एमालेका अध्यक्ष केपी शर्मा ओलीले नेकपा एकीकृत समाजवादीका अध्यक्ष माधवकुमार नेपाललाई मुकाबिला गर्ने सपना नदेख्‍न चेतावनी दिएका छन्। पोखरामा पुगेर एमाले अध्यक्ष ओलीले नेकपा एमाले जनताको पक्षमा भएकोले मुकाबिला गर्ने सपना नदेख्‍न चेतावनी दिएका हुन्। 

पोखरामा मंगलबार आयोजित एक कार्यक्रमलाई सम्बोधन गर्दै पूर्वप्रधानमन्त्रीसमेत रहेका ओलीले अहिलेको सत्ता साझेदार दलहरुसँग विकास भन्‍ने चितको वैरभाव रहेको टिप्पणी गरेका छन्। 

उनले भनेका छन्, 'मकहाँ आउँदा कोही भाइ त कोही छोरीवादमा कुद्ने, कामै गर्न नदिने, विकास भन्ने चिजसँग रुची होइन वैरभाव छ । एमालेको विकासप्रेमी सरकार ढाल्न माधव नेपाल र प्रचण्ड नै लागे। माधव नेपालको प्युसो। उम्रिन पाएको छैन एमालेसँग मुकाबिला गर्ने सपना देख्छ!'

उनले प्रचण्ड र माधव नेपालले अध्यक्षबाट हटाउनुपर्छ भनेर राजीनामा माग्ने र विरोधी हसाउने खेल सुरु गरेको आरोप लगाए। नेकपा एमालेबाट विभाजित भएपछि माधवकुमार नेपालले नेकपा एकीकृत समाजवादी दल दर्ता गरेका छन्।