धनगढी– बैतडीमा नेपाली कांग्रेसका नगर सभापति वडामै पराजित भएका छन्। जिल्लाको दशरथचन्द नगरपालिकाका नगर सभापति लालबहादुर चन्द वडामै पराजित भएका हुन्।
सोमबार सम्पन्न भएको वडा अधिवेशनबाट नगरपालिकाको वडा नम्बर ८ बाट क्षेत्रिय प्रतिनिधिमा उम्मेदवारी दिएका थिए ।
उनी चन्द्र सिंह थापासँग ४ मत अन्तरले पराजित भएको मतदान अधिकृत सुरेन्द्र चन्दले बताए। थापाले ५७ र चन्दले ५३ मत प्राप्त गरेको मतदान अधिकृत चन्दले बताए।
सो वडामा १६ जना क्षेत्रीय प्रतिनीधिका लागि २४ जना आकांक्षी रहेका थिए । महिला खुला ३, महिला समावेशी २, अपाङ्ग १ र दलित १ जनामा सहमति भएको थियो।
९ जना खुला प्रतिनीधिका लागि निर्वाचन भएको निर्वाचन अधिकृत पुष्पराज जोशीले बताए । सोका लागि १७ जनाको उम्मेदवारी परेको उनले बताए । एक सय २३ मतदाता रहेकोमा एक सय एक जनाले मतदानमा सहभागि भएको उनले बताए ।
जिल्ला समन्वय समितिका सदस्य समेत रहेका चन्द १३ औं महाधिवेशनबाट नगर सभापतिमा निर्वाचित भएका थिए ।