काठमाडौं– चीनको हुबेई प्रान्तस्थित वुहानबाट उद्धार गरेर ल्याइएका सबै नेपालीको कोरोना परीक्षण रिपोर्ट नेगेटिभ आएको छ। भक्तपुरको खरिपाटीस्थित क्वारेन्टाइनमा १७ दिन बसेका उनीहरु अब आफ्नो घर जान पाउनेछन्।
फागुन ३ गते नेपाल ल्याइएका उनीहरुको पहिलो चरणको स्वास्थ्य परीक्षणमा पनि कोरोना भाइरस संक्रमण नभएको पाइएको थियो। दोस्रो रिपोर्ट पनि नेगेटिभ आएपछि उनीहरु घर जान पाउने भएका हुन् ।