गाँजा खेती खुला गर्न संसदमा दर्ता भयो विधेयक, के छ विधेयकमा ?

काठमाडौँ- गाँजा खेती खुला गर्नुपर्ने भन्दै संघीय संसदमा विधेयक दर्ता भएको छ ।  प्रतिनिधिसभामा सचिवालयमा प्राइभेट बिलका रुपमा पूर्वकानुनमन्त्री शेरबहादुर तामाङले आज (सोमबार) विधेयक दर्ता गराएका हुन् ।

उनले गाँजा औषधीकै रुपमा प्रयोग हुने भएकाले वास्तविक किसानलाई फाइदा होस् भन्ने उद्देश्यले विधेयक दर्ता गरिएको नेपाल समयलाई जानकारी दिए । यस विषयमा विभिन्न सरकारी निकायहरुसँग पनि आफूले छलफल गरेर विधेयक तयार पारेको उनले बताए ।

गाँजा खेतीको नियमन र व्यवस्थापनसम्बन्धी विधेयकमा गाँजा बहुउपयोगी भएकाले खुला गर्नुपर्ने उल्लेख छ । अहिले पनि गाँजा खेती भइराखेको तर त्यसबाट तस्करहरुले लाभ लिएको भन्दै यसलाई राज्यको निगरानीमा खेती गर्न र बेचबिखन गर्न पाउने गरी खुला गर्नुपर्ने विधेयकमा उल्लेख छ ।

तामाङले तयार पारेकाे मस्यौदा अनुसार उत्पादन र नियन्त्रण पूर्णयता सरकारको हुनेछ । तोकिएको निश्चित प्रतिशत बाहेक क्षेत्रमा गाँजा खेती गर्न पाइने छैन। यस्तै मूल्य निर्धारण सरकारले गर्नेछ भने आन्तरिक बजारमा विक्री गर्न नपाइने पनि उल्लेख छ ।

यसअघि गाँजा खेतीलाई कानुनी मान्यता दिनुपर्ने माग गर्दै सांसद विरोध खतिवडालगायतले सार्वजनिक महत्वको प्रस्ताव दर्ता गरेका थिए।

यस्ताे छ विधेयक