काठमाडौं- कोरोना भाइरस संक्रमणको आशंकामा दुई जना अस्पताल भर्ना भएका छन्। एकजना चीन र अर्का दक्षिण कोरियाबाट फर्केका व्यक्ति संक्रमणको आशंकामा टेकुस्थित शहिद शुक्रराज ट्रपिकल तथा सरुवा रोग अस्पतालमा भर्ना भएका हुन्। उनीहरुलाई आइसोलेसन वार्डमा राखिएको अस्पतालका प्रवक्ता डा. अनुप बाँस्तोलाले जानकारी दिए।
भर्ना भएका व्यक्तिबाट नमुना संकलन गरेर ल्याबमा पठाइसकिएको बताउँदै बाँस्तोलाले सोमबारसम्ममा रिपोर्ट आइसक्ने बताए। कोरोना प्रभावित देशबाट आएको उनीहरुमा ज्वरो आएपछि अस्पताल भर्ना गरिएको हो।