आइतबार, जेठ १८, २०७७

समाचार

जंगली च्याउ खाँदा एकै परिवारका ५ जना बिरामी

1588500725poison-mushroom.jpg

काठमाडौं– जंगली च्याउ खाँदा चितवनमा एकै परिवारका पाँच जना बिरामी परेका छन्।

भरतपुर महानगरपालिका–२९ जुगेडीमा एकै परिवारका पाँच जना बिरामी परेको प्रहरीले जनाएको छ।

जिल्ला प्रहरी कार्यालय चितवनका डिएसपी एकनारायण कोइरालाका अनुसार ५५ वर्षीय वीरबहादुर चेपाङ, उनका २५ वर्षीय छोरा सुमन चेपाङ, २२ वर्षीया बुहारी सिर्जना चेपाङ, छोरी १९ वर्षीया शर्मिला चोपाङ र १५ वर्षीया अञ्जना चेपाङ बिरामी भएका छन्।

शनिबार साँझ वनबाट ल्याएको च्याउ खाँदा उनीहरू बिरामी परेका हुन्। उनीहरू सबैको भरतपुर अस्पतालमा उपचार भइरहेको छ।

वीरबहादुरको अवस्था गम्भीर भएकाले सघन कक्षमा राखेर उपचार भइरहेको र अन्यको अवस्था सामान्य रहेको प्रहरीले जनाएको छ।

प्रतिक्रिया दिनुहोस्