रमेश खरेलको अभियान टिममा कुरा नमिलेपछि स्थगित

काठमाडौं– नेपाल प्रहरीका पूर्व डिआइजी रमेश खरेल नेतृत्वको ‘हाम्रो नेपाल हामी नेपाली’ अभियान समूहमा कुरा नमिलेपछि स्थगित भएको छ।

आफ्नै समूहबीच कुरा नमिलेपछि  आज (बिहीबार) बुद्धनगरस्थित पार्टी प्यालेसमा आयोजना हुने भनिएको घोषणासभामा खरेल सहभागी भएनन्।

नेपालसमयसित खरेलले भने, "कार्यक्रम स्थलमा पुगेको थिएँ। तर टीममा कुरा मिलेन र हामी फर्कियौं। बाँकी कुरा प्रेस विज्ञप्ति जारी गरेर जानकारी गराउने छु।"

यसअघि उनले देशमा सुशासनका अभियान थाल्ने बताएका थिए।

फेसबुक स्ट्याटस् लेख्दै खरेलले आफ्नो कन्ट्रोलबाट बाहिर गएकोले आफूसहित देवेन्द्र सिटौला र राजकुमार यादव कार्यक्रममा सहभागी नहुने पनि जानकारी दिएका छन्।