टोकियो– जापानको स्वास्थ्य मन्त्रालयले डाइमन्ड प्रिन्सेस पानी जहाजमा चढेका दुई यात्रुको कोभिड–१९ (कोरोना भाइरस) का कारण निधन भएको जनाएको छ।
दुवै जना वर्ष उमेरका थिए। उनीहरूको परिचय भने खुलाइएको छैन। मन्त्रालयले विस्तृत जानकारी पछि दिने जनाएको अन्तर्राष्ट्रिय सञ्चार माध्यमहरूले जनाएका छन्।
जहाजमा रहेका विभिन्न मुलुकका नागरिकहरूलाई दुई सातासम्म जहाजमै क्वारेन्टाइनमा राखेर बुधबारदेखि मुक्त गर्न थालिएको छ। जहाजमा यात्रा गरेका मध्ये ६२४ जनामा कोरोना भाइरस रहेको पुष्टि भएको बताइएको छ।
अहिलेसम्म कोरोना भाइरस संक्रमणका कारण मृत्यु हुने संख्या २१२६ पुगेको छ। साथै ७५ हजार ६ सयमा यसको संक्रमण पुष्टि भएको छ।
चीनमा बुधबार एक दिन ३४९ मा संक्रमण भएको पाइएको अधिकारीहरूले बताएका छन्। यो साताभर चीनले आधिकारिक रूपमा रेकर्ड गरेको सबैभन्दा कम हो।
उनीहरूका अनुसार अब संक्रमणको दर बिस्तारै घट्दै जान थालेको छ। हुपईमा मात्र ६२ हजारमा संक्रमण भएको छ।