जन्मदिनमा सुप्रियासँग इन्गेजमेन्ट गरे निर्देशक सुदर्शनले

काठमाडौं- कलाकार तथा निर्देशक सुदर्शन थापाले आफ्नो जन्मदिनमा सुप्रिया कटुवालसँग इन्गेजमेन्ट गरेका छन्। सोमबार सुदर्शन र सुप्रिया कटवालले औंठी साटेका हुन्। 

लबस्टोरी फिल्म निर्देशनमा रुची राख्ने निर्देशक थापाले निर्देशन गरेको फिल्म 'प्रेमगीत' लोकप्रिय बनेको थियो। 

सुप्रिया मोडल हुन्। थुप्रै म्युजिक भिडियोमा मोडलिङ गरेकी उनले ‘बिर्खेलाई चिन्छस्’ र ‘साढे सात’मा अभिनयसमेत गरेकी कटवाल समाचार वाचनमा समेत रुची राख्छिन्। 

सुदर्शन र सुप्रियाको पहिलो भेट फिटनेस क्लबमा भएको थियो। साथीपछि प्रेममा परिणत भएको उनीहरूको सम्बन्ध इन्गेजमेन्टसम्म आइपुगेको हो। दुवैले पारिवारिक सहमतिमा इन्गेजमेन्ट गरेका हुन्।