बुधबार, मंसिर १०, २०७७

समाचार

बिहे गर्ने लाेभ देखाएर बलात्कार गर्ने युवक प्रहरी नियन्त्रणमा

1574688609Doctor_rape.jpg

गाेरखा : गोरखामा किशोरीलाई बलात्कार गरेको आरोपमा प्रहरीले एक युवकलाई पक्राउ गरेको छ। गोरखा नगरपालिका–७ का २६ वर्षीय रामशरण सिर्मललाई बलात्कार आरोपमा सोमबार पक्राउ गरिएको जिल्ला प्रहरी कार्यालय गोरखाका प्रमुख प्रहरी उपरीक्षक ओमप्रसाद अधिकारीले जानकारी दिए।

पक्राउ परेका सिर्मलले १६ वर्षीया किशोरीलाई बिहेको प्रलोभन देखाई जबर्जस्ती बलात्कार गरेको पाइएको उनले बताए। प्रहरीका अनुुसार  वैशाख ३ गते दिउँसो ४ः३० बजे आफ्नै घरमा लगेर सिर्मलले किशोरीलाई बलात्कार गरेको खुल्न आएको छ। 

पीडितका बाबुले दिएको उजुरीका आधारमा सिर्मललाई पक्राउ गरिएको प्रहरीको भनाइ छ। उनलाई जबर्जस्ती करणी शीर्षकमा मुद्दा दर्ता गरी थप अनुसन्धान अघि बढाइएको छ। -रासस

प्रतिक्रिया दिनुहोस्