काठमाडौं । चन्द्रागिरी नगरपालिका–३ नमूना बस्तीबाट प्रहरीले जुवातास खेलिरहेको अवस्थामा ६ जनालाई पक्राउ गरेको छ।
स्थानीय प्रमोद निरौलाको घरमा जुवातास खेलिरहेको अवस्थामा ३८ वर्षीय सुदिप रेग्मी लगायत ६ जनालाई नगद ४० हजार ७ सय ९५ रुपैयाँ र ६ बुक तास सहित प्रहरीले पक्राउ गरेको हो।
महानगरीय प्रहरी वृत्त थानकोटबाट खटिएको प्रहरीले उनीहरुलाई पक्राउ गरेको हो। यस्तै प्रहरीले काठमाडौं नयाँबसपार्कबाट सुन जस्तो देखिने पहेंलो धातु करिब १ सय ५० ग्राम सहित भक्तपुर मध्यपुर ठिमी ४० वर्षीय नुच्छेलाल खड्गी लगायत ३ जनालाई प्रहरीले पक्राउ गरेको छ।
महानगरीय प्रहरी प्रभाग गोंगबुबाट खटिएको प्रहरीले बा.१ य १०१२ नम्बरको पर्यटक ट्याक्सी जाँच गर्ने क्रममा ट्याक्सीमा लुकाई छिपाई राखेको उक्त धातु फेला पारी ट्याक्सीमा सवार उनीहरुलाई पक्राउ गरेको हो।