आइतबार, जेठ १८, २०७७

समाचार

सिन्धुपाल्चोकमा घरघरमा स्वास्थ्यकर्मी परिचालन

1579080952doctor-ns.jpg

सिन्धुपाल्चोक- कोरोना भाइरसको सम्भावित संक्रमण रोक्न सिन्धुपाल्चोकका स्थानीय तहले घरघरमा स्वास्थ्य टोली परिचालन गरेका छन्।

चैतमा विदेशबाट फर्किएकाको घरमा पुगेर स्वास्थ्य परीक्षण थालिएको गाउँपालिका महासंघ नेपालका महासचिव वंशलाल तामाङले जानकारी दिए।

उनका अनुसार चैतमा जिल्लामा विदेशबाट आउनेको संख्या तीन सय पुगेको छ। जिल्लाका १२ स्थानीय तहले आफ्नो क्षेत्रभित्र चैतमा फर्किएकाहरुको पहिचान गरी स्वास्थ्य परीक्षण गर्दै आएको इन्द्रावती गाउँपालिकाका अध्यक्षसमेत रहेका तामाङले बताए।

सिन्धुपाल्चोकमा चार सय २८ शय्याको क्वारेन्टाइन र ४२ शय्याको आइसोलेसन कक्ष तयार गरिएको छ। अहिलेसम्म २७ जनाको नमुना परीक्षण गरिएकोमा सबैको रिपोर्ट नेगेटिभ आएको स्वास्थ्य कार्यालयले जनाएको छ।

प्रतिक्रिया दिनुहोस्