काठमाडौं– प्रमुख प्रतिपक्षी दल नेपाली कांग्रेस पछाडि हटेपछि प्रतिनिधिसभाको बैठक सुरु भएको छ। पार्टी उपसभापति एवं संसदीय दलका उपनेता विजयकुमार गच्छदारमाथि अख्तियार दुरुपयोग अनुसन्धान आयोगले सरकारको दबाबमा मुद्दा दायर गरेको भन्दै कांग्रेसले प्रतिनिधिसभा अवरुद्ध गर्दै आएको थियो।
कांग्रेसको संसदीय दलको निर्णयअनुसार आजबाट कांग्रेसले बैठक चल्न दिएको हो। ललिता निवास प्रकरणमा पूर्वाग्रहपूर्ण ढंगले गच्छदारमाथि मुद्दा दायर भएको कांग्रेस संसदीय दलकी सचेतक पुष्पा भुसालले बताइन्।
प्रतिनिधिसभा बैठकको सुरुमा सम्बोधन गर्दै भुसालले अदालतमा गइसकेको मुद्दामा कांग्रेसले अदालतको तटस्थता कुर्ने बताइन्।