अफगानिस्तान– अफगानिस्तानको उत्तरी कुन्दुज प्रान्तको अलि अबाद जिल्लामा आइतबार भएको गोली हानाहानमा तीन प्रहरीसहित सातको मृत्यु भएको छ।
जिल्लाका गभर्नर अमानुदिन कुरैसीले मारिएकामध्ये चार विद्रोही लडाकु रहेको जानकारी दिए।
उनले आइतबार स्थानीय समय अनुसार बिहान ३ बजे तालिबान लडाकू समूहले किसाटोपाक क्षेत्रको सुरक्षा जाँच चौकीमा आक्रमण गरेको बताए।
भिडन्तका क्रममा चार प्रहरी गम्भीर घाइते भएको उनले बताए।
तालिबान समूहले भने उक्त घटनाका बारेमा केही बताएको छैन ।