सुनसरी- सुनसरीको रामधुनी नगरपालिका बडा नम्बर २ तित्रीवनमा बस र माइक्रो ठोक्किँदा ३ जनाको घटनास्थलमै मृत्यु भएको छ भने ७ जना घाइते भएका छन्।
इटहरीबाट काठमाडौंतर्फ गुडिरहेकाे बा५ख ३१५७ नम्बरको माइक्रो र बाग्लुङबाट विराटनगर जाँदै गरेको ना६ख ७९५ नम्बरेको बस आइतबार बिहान एकआपसमा ठोक्किएका हुन्।
दुर्घटना बिहान करिब साढे ७ बजे भएको जिल्ला प्रहरी कार्यालय सुनसरीका प्रमुख एसपी यज्ञविनोद पोखरेलले नेपाल समयलाई जानकारी दिए।
मृतक सबै माइक्रो बसमा सवार रहेको उनले जानकारी दिए। उनीहरुको सनाखत भने हुन सकेको छैन।
घाइते सातै जनाको अवस्था गम्भीर रहेको प्रहरीले जनाएको छ। घाइतेको बीपी काेइराला स्वास्थ्य विज्ञान प्रतिष्ठान धरान, एपेक्स अस्पताल इटहरी र इनरुव अस्पताल सुनसरी लगिएको छ।