एजेन्सी– म्यान्चेस्टर युनाइटेडले जनवरी ट्रान्सफरको अन्त्यमा सांघाइ सेन्हुवाका ओडिअन एग्हालोलाई लोनमा अनुबन्धन गरेको छ।
उसले यो सिजनको अन्त्यम्मको लागि एग्हालोलाई लोनमा अनुबन्धन गरेको हो।
३० वर्षे खेलाडी एग्हालोले वाटफोर्डबाट पहिले नै प्रिमियर लिग खेलिसकेका छन्। उनले २०१४ बाट २०१७ सम्म प्रिमियर लिग खेलेका थिए। उनले प्रिमियर लिगको ५५ खेल खेल्दै १६ गोल स्कोर गरेका थिए।
एग्हालो तीन वर्षबाट चिनियाँ लिगमा फुटबल खेलिरहेका छन्। तर, अब यो सिजनको अन्त्यसम्म भने प्रिमियर लिगमा देखिने छन्।
नाइजेरियन फरवार्डले अफ्रिकन कप अफ नेसन्सक क्वालिफाइङमा सर्वाधिक सात गोल गरेका थिए।