कोरोनाका कारण चिनियाँ सुपर लिग स्थगित

चीन - चिनको घरेलु लिगको सुरु हुने समय भैसक्दा पनि लिग सुरु हुन सकेको छैन्। कोरोना भाइरसको संक्रमण बढीरहेका कारण लिग सुरु हुन नसकेको बताइएको छ।

चीनको सुपर लिगमा प्रिमियर लिग खेलिसकेका खेलाडीहरु पनि रहेका छन्। याया टोरे, मारोउना फेलेइनाइ, ओस्कार, मार्को अर्नाउटोभिक र सोलोमोन रोन्डोनलगायतका खेलाडी प्रिमियर लिगपछि चिनियाँ लिगमा आएका हुन्। त्यस्तै, इटालिको प्रतिष्ठित क्लब रोमाका पूर्व कप्तान डेनियल डे रोस्सी पनि चिनियाँ लिगबाट खेलिरहेका छन्।

विश्वमै प्रतिष्ठा कमाइरहेको चिनियाँ सुपर लिगको नयाँ उद्घाटन मिति भने घोषणा गरिएको छैन। भाइरसको संक्रमणले चीनमा अन्य खेलका कार्यक्रम पनि प्रभावित बनेका छन्।

चीनमा फेब्रुअरी १५ र १६ मा पुरुष अल्पाइन स्काइकिङको आयोजना गरिएको थियो। तर, कोरोना भाइरसको संक्रमणका कारण त्यो प्रतियोगिता पनि रद्द गरिएको छ।