काठमाडौं– चीनको वुहानबाट फैलिएको कोरोना भाइरसको संक्रमण विश्वका विभिन्न देशमा फैलन थालेपछि विश्व स्वास्थ्य संगठन (डब्लूएचओ)ले विश्वव्यापी स्वास्थ्य आपतकाल घोषणा गरेको छ।
कोरोना भाइरस संक्रमणले विश्वव्यापी रूपमा स्वास्थ्य आपतकाल आएको भन्दै डब्लूचओले विश्वव्यापी स्वास्थ्य आपतकाल घोषणा गरेको हो ।
डब्लूएचओले कमजोर स्वास्थ्य प्रणाली रहेका मुलुकमा कोरोना भाइरस फैलनसक्ने त्रास रहेको भन्दै चिन्ता व्यक्त गरेको छ।
“यो घोषणाको मुख्य कारण चीनमा के भइरहेको छ भन्दा पनि अन्य देशमा के भइरहेको छ भन्ने हो,” डब्लूएचओका प्रमुख टेड्रोस एड्हानोमले भने।
डब्लूएचओका अनुसार चीनमा कोरोना भाइरसबाट हालसम्म २१३ जनाको ज्यान गइसकेको र यसको संक्रमण चीनसहित करिब दुई दर्जन देशमा देखिएको छ।