बुटवल– रूपन्देहीमा सवारी दुर्घटनामा तीन जनाको ज्यान गएको छ भने ९ घाइते भएका छन्।
रोहिणी गाँउपालिका–४ छिपागढमा तीन ट्रक ठोक्किँदा तीन जनाको घटनास्थलमै ज्यान गएको जिल्ला प्रहरी कार्यालयले जनाएको छ। प्रहरीका अनुसार मृतकको अझै सनाखत हुन सकेको छैन।
दुर्घटनाका घाइतेलाई उपचारका लागि भैरहवास्थित भीम अस्पताल र युनिभर्सल मेडिकल कलेज पठाइएको छ। घाइतेमध्ये चार जनाको अवस्था गम्भीर रहेको प्रहरीले जनाएको छ।
भैरहवादेखि परासीतर्फ जाँदै गरेको लु१ख ६७४५ नम्बरको ट्रक परासीदेखि भैरहवातर्फ आउँदै गरेको ना२ख ८४८१ र ना५ख ७८५६ नम्बरको ट्रक ठोक्किएका हुन्।
अत्याधिक कुहिरोको कारण दुर्घटना भएको प्रहरीको प्रारम्भिक अनुमान छ।