काठमाडौं- सहिद स्मारक ए डिभिजन लिग अन्तर्गत सोमबारको दोश्रो खेलमा मछिन्द्र क्लबले थ्रीस्टार क्लबलाई को २-शुन्य गोलअन्तरले हराएको छ।
यो जितसँगै मछिन्द्र अंक तलिकाको शीर्षस्थानमा उक्लिएको छ।
खेलको ३८औं मिनेटमा मछिन्द्रका रेजिन सुब्बाले गोल गरे। रेजिन २८ औं मिनेटमा मैदान प्रवेश गरेका थिए। उनी दिपक राई घाइते भएपछि मैदान छिरेका थिए।
त्यस्तै, खेलको अन्तिम मिनेटमा मछिन्द्रका विशाल राईले गोल गरेर अग्रतालाई दोब्बर बनाए। सुजल श्रेष्ठले दिएको पासलाई उनले गोलमा परिणत गरेका थिए।
९० मिनेट अवधिमा थ्रीस्टारले कुनै गोल गर्न सकेन।
यो जितसँगै मछिन्द्र क्लबले १९ अंक भएको छ। उसले ६ खेलमा जित र २ बराबरी खेलेर १९ अंक बनाएको हो।
मछिन्द्रको एक अंक घटाइएको छ। ऊ गत साल रेलिगेसन जोनमा परेकाले १ अंक घटाइएको हो।
पछिल्लो चरणमा त्रिभुवन आर्मी क्लबले बराबरी खेलेका कारण उ १७ अंकका साथ दोश्रो स्थानमा छ। भने मनाङ १६ अंकका साथ तेश्रो स्थानमा छ।