काठमाडौं- प्रहरीले रसुवाको टिमुरेबाट साढे दुई किलो सुनसहित ६ जनालाई पक्राउ गरेको छ।
रसुवागढी नाकाबाट काठमाडौं आउँदै गरेको ना १ झ ३५४२ नम्बरको टाटा सुमोमा चेकजाँचका क्रममा उक्त सुन फेला परेको रसुवाका प्रहरी प्रमुख प्रहरी नायव उपरीक्षक इन्द्र सुवेदीले जानकारी दिए।
सुवेदीका अनुसार पक्राउ पर्नेमा सिन्धुपाल्चोक भोटेकोशी गाउँपालिका–५ का २३ वर्षीय सुप्पा लामा, ३४ वर्षीय नावाङ नुर्पु तामाङ, २४ वर्षीय ग्याल्जेन शेर्पा, ३२ वर्षीय, सुवाश तामाङ, १९ वर्षीय चाङ्वा शेर्पा, दोलखा तामाकोसी–५ का २३ वर्षीय तुलनारायण श्रेष्ठ छन्।
सुनसहित पक्राउ परेकाहरुलाई सदरमुकाम ल्याउँदै गरेको प्रहरीले जनाएको छ।