शोक प्रस्ताव थाती राखेर सापकोटा अनुमोदन हुँदै

काठमाडौं- प्रतिनिधिसभाबाट अग्नी सापकोटा सभामुखमा अनुमोदन हुँदैछन्।

प्रतिनिधिसभाको आजको कार्यसूची अनुसार नेकपा संसदीय दलका उपनेता सुवास चन्द्र नेम्बाङ्गले सापकोटालाई सभामुख पदमा निर्वाचित गरियोस् भनी प्रस्ताव प्रस्तुत गर्नेछन्।

त्यसपछि प्रस्तावक देवप्रसाद गुरुङ, लक्ष्मणलाल कर्ण र ओनसरी घर्तीले समर्थन गर्नेछिन्।

सभामुखको निर्वाचनमा सापकोटा एक्ला उम्मेदवार भएकाले उनी आजकै बैठकबाट अनुमोदन हुनेछन्।

यता पूर्वसांसद गम्भीरजंग कार्कीको निधन भएपछि संसदको बैठकमा शोक प्रस्ताव पारित गर्नुपर्ने थियो। तर, कार्यसूचीमा शोक प्रस्ताव समावेश भएको छैन।

शोक प्रस्ताव पारित भएपछि संसद बैठक स्थगित गर्ने प्रचलन रहेको छ।