सिन्धुली- वीपी राजमार्ग अन्तर्गत सिन्धुलीको ढुङग्रे भन्ज्याङमा माइक्रोबस दुर्घटना हुंदा चालकको मृत्यु भएको छ । १२ जना घाइते भएका छन् ।
झापाबाट काठमाडौं जाँदै गरेको बा ४ ख ६९६ नं हायस गाडी दुर्घटनामा चालक अन्दाजी ४० वर्षका मोहन महर्जनको मृत्यु भएको प्रहरीले जनाएको छ । चालक काठमाडौं निवासी रहेको खुलेको छ ।
घाइतेमध्ये दुई जनाको अवस्था जटिल रहेको छ । उनीहरुको जिल्ला अस्पताल सिन्धुलीमा उपचार भइरहेको छ ।
गाडी अनियन्त्रित भई बीपी राजमार्गबाट करिब ३० मिटर तल खसेको प्रहरीले जनाएको छ ।