काठमाडौं– भारत र न्युजिल्यान्डबीच पाँच खेलको टी–२० क्रिकेट शृंखलाअन्तर्गतको पहिलो खेल सुरु भएको छ।
न्युजिल्यान्डले टस हारेर पहिले ब्याटिङ गर्दैछ।
दुवै टोली खेल जितेर शृंखलाको सुखद् सुरुवात गर्ने रणनीतिमा छन्।
कसको पलडा भारी ?
टी–२० क्रिकेटमा दुवै टोलीको स्तर समान छ। तर, हेड टु हेडका आधारमा भारतभन्दा न्युजिल्यान्ड बलियो देखिएको छ।
यी दुवै टोलीबीच भएका १२ खेलमध्ये ८ मा न्युजिल्यान्डले बाजी मार्दा भारतले ३ खेल मात्रै जितेको छ। १ खेलको भने नतिजाविहीन भएको थियो।
टी–२० को विश्व वरीयतामा भने भारत अघि देखिएको छ।
अन्तर्राष्ट्रिय क्रिकेट काउन्सिल (आईसीसी)को पछिल्लो वरीयतामा भारत पाँचौं स्थानमा छ भने न्युजिल्यान्ड भारतभन्दा एक स्थान तल छ। भारतको २६० र न्युजिल्यान्डको २५२ अंक छ।