काठमाडौं– प्रधानमन्त्री केपी शर्मा ओली र भारतीय प्रधानमन्त्री नरेन्द्र मोदीले संयुक्त रुपमा विराटनगरको एकीकृत जाँच चौकी उद्घाटन गरेका छन्। काठमाडौं र नयाँ दिल्लीबाट भिडियो कन्फ्रेन्समा जोडिएका ओली र मोदीले जाँच चौकी उद्घाटन गरेका हुन्।
भिडियो कन्फ्रेन्समार्फत् ओलीले मोदीलाई नेपाल भ्रमणको निम्तो दिएका छन्। नेपालले यो वर्ष भ्रमण वर्ष मनाइरहेको भन्दै ओलीले मोदीलाई नेपाल घुम्न बोलाएका हुन्।
प्रधानमन्त्री मोदी नेपाल आए दुई देशको सम्बन्धमा हासिल भएको उपलब्धिको समीक्षा गर्दै अझ अगाडि बढाउने अवसर मिल्ने ओलीको भनाइ थियो।
प्रधानमन्त्री ओलीले दुई देशबीच थाँती रहेका सबै विषय संंवादबाट हल गर्नुपर्ने कुरामा जोड दिएका छन् ।